රහල් පෝතක බාලදක්ෂ අභිසෙස් 2024
“රහල් පෝතක බාලදක්ෂ අභිසෙස් “ පෝතක බාලදක්ෂයින් 74 දෙනෙකුට පදක්කම් පැළඳවීමේ උත්සවය, විදුහල්පතිතුමියගේ මගපෙන්වීමෙන් රාහුල විද්‍යාලීයය ප්‍රාථමික අංශ පරිශ්‍රයේදි පසුගිය 18 වනදා පැවැත්වුණි.
Read more
- අප ගැන
රාහුල වංශ කතාවේ නැවුම් පිටුවක් සනිටුවන් කරමින් 1907 වර්ෂයේදී ගිල්වෙල්හි රොබට් ස්ටීවන්සන් ස්මිත් බේඩන් පවල් සාමිවරයා විසින් ආරම්භ කරන ලද බාලදක්ෂ ව්‍යාපාරය,රාහුල විද්‍යාලය තුළ ආරමිභ කිරීමේ නියත විවරණ ලබනුයේ 1928 වර්ෂයේදීය. එවකට විද්‍යාලයීය ගරු විදුහල්පති වරයා වූයේ G.විලියම් ද සිල්වා මහතා ය.
1951 සැප්තැම්බර් මස 21 වන දින විද්‍යාලීය ගරු විදුහල්පතිවරයා ලෙස කටයුතු කළ D.J. කුමාරගේ මහතාගේ සේවා කාලය තුලදී එවකට විද්‍යාලයීය ඉංග්‍රීසි භාෂාව පිළිබඳ ආචාර්යවරයෙකු වශයෙන් සේවය කළ S.H.A.සේනානායක මහතාගේ මූලිකත්වයෙන් යුතුව බාලදක්ෂයන් 20 දෙනෙකුගේ සහභාගීත්වයෙන් යුතුව “තුන්වන මාතර රාහුල බාලදක්ෂ සමූහය” ලෙස රාහුල බාලදක්ෂ සමූහයට නැවතත් පණපොවන ලදි.
- ව්‍යාපෘති හා ක්‍රියාකාරීත්වය
1953 දී මාතර දිස්ත්‍රික් ප්‍රථම රැජින බාලදක්ෂ කණ්ඩායම බිහි කිරීම.
1953 දී මානවක බාලදක්ෂ ව්‍යාපාරයත් පෝතක බාලදක්ෂ ව්‍යාපාරයත් ආරම්භ කිරීම.
1980 – 2005 දක්වා රාහුල විද්‍යාලයීය බාලදක්ෂ ආචාර්යවරයා ලෙස රාජා මුත්තුක්කාර මහතා පත්වීමත් සමග තුන්වන මාතර රාහුල විද්‍යාලයීය බාලදක්ෂ සමූහයේ ස්වර්ණමය යුගය ආරම්භ විය.
1990 දී ලංකා G. නිශාන්ත සිල්වා මහතා විසින් රාහුල විද්‍යාලයීය තුන්වන මාතර බාලදක්ෂ සමූහයේ නිල ලාංඡනය නිර්මාණය කරන ලදි.
1991 වසරේ රාහුල බාලදක්ෂ සමූහයේ හතළිස් වන සංවත්සරය වෙනුවෙන් බාලදක්ෂයින් 3000 කගේ පමණ සහභාගිත්වයෙන් රූබී ජුබිලි කදවුර රාහුල විද්‍යාලයීය පරිශ්‍රයේ දී පැවැත්වීම.
1992 දී රාහුල බාලදක්ෂ සමූහයට වසර 41 ක් සපිරීම නිමිත්තෙන් දිස්ත්‍රික් බාලදක්ෂ රැලියක් පැවැත්වීම.
1993 දී රාහුල බාලදක්ෂ සමූහයට වසර 42ක් සපිරිම නිමිත්තෙන් දිස්ත්‍රික් බාලදක්ෂ රැළියක් පැවැත්වීම.
1999 දී රාහුල බාලදක්ෂ සමූහයට වසර 48ක් සපිරීම නිමිති කරගනිමින් බාලදක්ෂයින් 300 කගෙන් පමණ යුත් බාලදක්ෂ දිනයක් සංවිධානය කිරීම
2003 දී රාහුල විද්‍යාලයීය බාලදක්ෂ සමූහයට 52 වසරක් පිරීම නිමිත්තෙන් ද බාලදක්ෂ දිනයක් සංවිධානය කිරීම.
2004 වසරේ රාහුල විද්‍යාලයීය ආදි බාලදක්ෂ සංසදය පිහිට වීම.
2008 වසරේ දිස්ත්‍රික් බාලදක්ෂ පුහුණු වැඩසටහනක් පැවැත්වීම.
2011 වසරේ ආරම්භ කළ සිංහයන්ගේ පිබිදීම ජාතික මට්ටමේ ගවේෂණ තරගාවලිය ආරම්භ කිරීම. ( එය මේ වන තෙක් වසර 9ක් අඛණ්ඩව පවත්වාගෙන යන්නකි )
2021 වසරේදී රාහුල විද්‍යාලයීය බාලදක්ෂ ධජය නිර්මාණය කිරීම.
2021 වසරේදී රාහුල විද්‍යාලයීය බාලදක්ෂ සමූහයේ 70 වන සංවත්සරය නිමිත්තෙන් නිල ලාංජනයක්ද එලිදක්වන ලදී.
2021 වසරේදී අභිනව බාලදක්ෂ ගෘහයටද මුල්ගල් තබන ලදි.
2021 වසරේදී ලංකාවේ පළමු සමස්ථ ලංකා මාර්ගගත බාලදක්ෂ තරගාවලිය වූ “Inqu Expedition ’21” තරගාවලිය සංවිධානය කිරීම
මේ වන විට රැජින බාලදක්ෂයින් ජනාධිපති බාලදක්ෂයන් හා රන්තරු ලාභී පෝතක බාලදක්ෂයින් 500 කට අධික පිරිසක් ජාතියට දායාද කිරීමට සමත් වූ රාහුල විද්‍යාලයීය බාලදක්ෂ සමූහය වර්තමානය වන විට සිගිති පෝතක හා බාලදක්ෂ යන අංශයන්හි බාලදක්ෂයින් 700 කටත් අධික ප්‍රමාණයකින් සමන්විතය.
- ජයග්‍රහණ
- කණ්ඩායම්
2023 :
- ෆර්ගසන් උසස් විද්‍යාලය විසින් සංවිධානය කරන ලද 8වන ෆර්ගසන් වික්‍රමාන්විත කුසලානයෙන් අනුශූරතාව ලබා ගැනීම
- සම්පත් රණවක අනුස්මරණ අභියෝගත ශූරතාවයෙන් 2වන අනුශූරතාව ලබා ගැනීම
- දකුණු කොරියාවේ පැවැත්වෙන 25වන ලෝක බාලදක්ෂ ජම්බෝරියට ශ්‍රී ලංකාව නියෝජනය කරමින් සහභාගී වීම.
2020 :
- ලංකා බාලදක්ෂ ඉතිහාසයේ පළමු අන්තර්ජාල ජම්බෝරියට රාහුල බාලදක්ෂයින් සහභාගී වීම
2019 :
- බංගලාදේශයේ පැවැති බංග්ලාදේශ ජාතික ජම්බෝරියට සහභාගී වීම, ඇමෙරිකාවේ පැවති 24 වන ලෝක බාලදක්ෂ ජම්බෝරියට ද ශ්‍රී ලංකාව නියෝජනය කරමින් සහභාගී වීම
2018 :
- දකුණු කොරියාවේ පැවති ජාත්‍යන්තර කාණ්ඩ නායක ජම්බෝරියට සහභාගී වීම, වසරේ වැඩිම ජනාධිපති බාලදක්ෂයින් බිහි කරනු ලබනු ලබන පාසල් අතරින් තෙවන ස්ථානයට පත්වීම
2017 :
- පිලිපීනයේ පැවති පිලිපීන ජාතික ජම්බෝරියට සහභාගී වීම
2008 :
- රාහුල විද්‍යාලයීය බාදක්ෂයින් සිවු දෙනකු එවරස්ට් මූල කදවුර සාර්ථකව තරණය කිරීම
2007 :
- එංගලන්තයේ පැවැත්වූ 21වන ලෝක බාලදක්ෂ ජම්බෝරිය සහභාගී වීම, ශ්‍රී ලංකාවේ පැවති ගුවන් බාලදක්ෂ ජම්බෝරියට සහභාගී වී රාහුල විද්‍යාලයීය බාලදක්ෂයන් දක්ෂතා දැක්වීම
2004 :
- ඉන්දියාවේ පැවැත් වූ අන්තර්ජාතික ධීර වැඩසටහනට සහභාගි වීම
2003 :
- රාජන්ස් ජින් බාලදක්ෂ ජම්බෝරියේ හොඳම බාලදක්ෂ කණ්ඩායම බවට පත් වීම
2002 :
- ජපානයේ පැවති නිපෝන් ජම්බෝරියට ශ්‍රී ලංකාව නියෝජනය කරමින් රාහුල බාලදක්ෂයන් සහභාගි වීම, බ්‍රිතාන්‍යයේ පැවති ලෝක බාලදක්ෂ ජම්බෝරියට ද ශ්‍රී ලංකාව නියෝජනය කරමින් රාහුල බාලදක්ෂයන් සහභාගි වීම
1995 :
- ලක්දිව වැඩිම ජනාධිපති බාලදක්ෂ පිරිසක් වසරකදී දැයට දායාද කළ බාලදක්ෂ සමූහයන් අතරින් 3 වන ස්ථානයට පත්වීම, පාකිස්තානයේ පැවති සාර්ක් ජම්බෝරිය සඳහා සහභාගි වූ බාලදක්ෂයින් පිරිස නියෝජනය කිරීම
1965 :
- මාතර දී පැවැත්වූ දක්ෂිණ ලංකා කබෝරියහි දක්ෂතම බාලදක්ෂ කණ්ඩායමට හිමි පළිහ දිනා ගැනීම
1963 :
- බාලදක්ෂ ඉපයීමේ සතිය තුළ දිවයිනේ වැඩිම මුදලක් ඉපයූ සමූහය බවට පත්වෙමින් තුන්වන මාතර බලදක්ෂ සමූහය ඇන්ඩෘකැල්කොට් රජතමය කුසලානය දිනා ගැනීම
1957 :
- ලෝක බාලදක්ෂ ස්වර්ණ ජයන්තිය නිමිත්තෙන් එංගලන්තය පැවති ලෝක බාලදක්ෂ ජම්බෝරිය සඳහා රාහුල විද්‍යාලයීය බාලදක්ෂ සමූහයත්, ශ්‍රී ලංකාවත් නියෝජනය කරමින් රාහුල බාලදක්ෂයෙක් සහභාගී වීම
1956 :
- ගාල්ලේ පැවැති බාලදක්ෂ කබෝරියේදි දක්ෂතම බාලදක්ෂ කණ්ඩායමට හිමි පළිහ දිනා ගැනීම
- ඒක පුද්ගල
2023 :
- SEGNO Adventure Challenge Competition හි හොඳම ගවේෂකයා – ජේ.ආර්.ඒ නිදුල සත්සර
- කවුන්සිල නිලධාරීන්
නායක :
තේජාන් තීක්ෂණ මාතරගේ
උප නායක :
ධරණ චමල්ප වල්පොළ
ලේකම් :
යොමාල් බිම්සර වික්‍රමසිංහ
ප්‍රධාන සංවිධායක :
නිදුල සත්සර
භාණ්ඩාගාරික :
රනුල් ජනාදිත් වික්‍රමසිංහ
ගබඩා පාලක :
ශෂික සඳරුවන්
පදක්කම් ලේකම් :
සහිරු නිමන්දිත් කරුණාරත්න
ප්‍රථමාධාර ලේකම් :
අදිත පංකජ දික්කුඹුර
කමිටු සාමාජිකයින් :
කුෂාන් අචින්ත යාපා
සුහර සුජයන
ඔෂාන් නයනාත් වර්ණසූරිය
ඔමිත වෙත්නුල ද සිල්වා
රන්දික දෙව්මිත් හේවාකණ්ඩම්බි
සසිත් නිම්ලක ජයරුක්
Previous
Next
- ආසන්නතම පුවත්
රාහුල විද්‍යාලයීය පස්වන සිඟිති බාලදක්ෂ ගොමුවේ පදක්කම් ලැබීමේ උළෙල
රාහුල විද්‍යාලයීය පස්වන සිඟිති බාලදක්ෂ ගොමුවේ සිඟිති බාලදක්ෂයන් 83 දෙනෙක් පදක්කම් ලැබීමේ උළෙල විද්‍යාලයීය විදුහල්පතිනි සමිතා කුරුකුලසූරිය මහත්මියගේ මග පෙන්වීමෙන්, රාහුල විද්‍යාලයීය ජනාධිපති බාලදක්ෂ ශ්‍රී ලංකා නාවික හමුදාවේ කමාන්ඩර් චාමර ලියනගේ මහතාගේ ප්‍රධානත්වයෙන්, දිස්ත්‍රික් බාලදක්ෂ කොමසාරිස් සුදත් මංගල මහතා ඇතුළු සම්භාවනීය අමුත්තන්ගේ සහභාගීත්වයෙන්, විද්‍යාලයීය ප්‍රාථමික අංශයේ විදුහල්පතිනි පත්මණී ගණේවත්ත මහත්මිය, විද්‍යාලයීය සිඟිති බාලදක්ෂ සමූහය භාර…
දකුණු කොරියාවේ පැවැත්වෙන ලෝක බාලදක්ෂ ජම්බෝරියට සහභාගී වන රාහුල බාල දක්ෂයින්
දකුණු කොරියාවේදී පැවැත්වෙන 25වන ලෝක බාලදක්ෂ ජම්බෝරිය සඳහා ශ්‍රී ලංකා කණ්ඩායම නියෝජනය කරමින් සහභාගී වන රාහුල බාල දක්ෂයින්ට අපගේ උණුසුම් සුභ පැතුම්! සහභාගී වන කණ්ඩායම : රනුල් වික්‍රමසිංහ සහිරු කරුණාරත්න යොමාල් වික්‍රමසිංහ
8වන Ferguson Adventure කුසලානය 2023
ෆර්ගසන් උසස් විද්‍යාලය විසින් සංවිධානය කරන ලද 8වන ෆර්ගසන් වික්‍රමාන්විත කුසලානයේ අනුශූරතාවය ලබා ගත් රාහුල විද්‍යාලයීය බාලදක්ෂ සමූහයට අපගේ උණුසුම් සුභ පැතුම්!
සිඟිති බාලදක්ෂ සෞඛ්‍ය වැඩමුළුව 2023
රාහුල විද්‍යාලයීය “සිඟිති” බාලදක්ෂ භට පිරිස් විසින් සංවිධානය කරන ලද “සෞඛ්‍ය වැඩමුළුව 2023” රාහුල විද්‍යාලයේ 2 ශ්‍රේණියේ සහ 3 ශ්‍රේණියේ බාලදක්ෂයින් 160 දෙනෙකුගේ සහභාගීත්වයෙන් 2023 ජූලි 21 වැනි සිකුරාදා දින මාතර වෙලේගොඩ සුදසුන් වෙහෙරේදී පැවැත්විණි. මේ සඳහා විදුහල්පතිනී සමිතා කුරුකුලසූරිය මහත්මිය, ප්‍රාථමික අංශ විදුහල්පතිනී පත්මනී ගනේවත්ත මහත්මිය, විද්‍යාලයීය බාලදක්ෂ ආචර්ය වරුන්, විද්‍යාලයීය ආදි ශිෂ්‍ය වෛද්‍ය…
සම්පත් රණවක අනුස්මරණ අභියෝගතා කුසලානය 2023 – 2වන අනුශූරතාවය
22වන සම්පත් රණවක අනුස්මරණ අභියෝගතා කුසලානය – 2023 මෙහිදී රාහුල විද්‍යාලීය බාලදක්ෂ සමූහය 2වන අනුශූරතාවය ලබාගන්නා ලදී.මෙම තරගය කුරුණෑගල මලියදේව බාලදක්ෂ සමූහය විසින් සංවිධානය කරන ලදී. ජයග්‍රාහී කණ්ඩායම : තේජාන් මාතරගේ ධරණ වල්පොළ යොමාල් වික්‍රමසිංහ නිදුල සත්සර ශෂික සඳරුවන් ඔෂාන් වර්ණසූරිය හංස මතීෂ දිමල්ක ඉමංජිත්
SEGNO Adventure Challenge Competition – 2023 හි හොඳම ගවේෂකයා
මහනුවර මහාමායා බාලිකා විද්‍යාලය විසින් සංවිධානය කරනු ලබන SEGNO Adventure Challenge Competition – 2023 හි හොඳම ගවේෂකයා බවට තේරී පත් වූ ජේ.ආර්.ඒ නිදුල සත්සරට අපගේ උණුසුම් සුභ පැතුම්.!
රාහුල බාලදක්ෂ සමූහයේ 2023/24 වර්ෂය සඳහා අභිනවයෙන් පත්වූ සමූහ කවුන්සිලය
නායක : තේජාන් තීක්ෂණ මාතරගේ උප නායක : ධරණ චමල්ප වල්පොළ ලේකම් : යොමාල් බිම්සර වික්‍රමසිංහ ප්‍රධාන සංවිධායක : නිදුල සත්සර භාණ්ඩාගාරික : රනුල් ජනාදිත් වික්‍රමසිංහ ගබඩා පාලක : ශෂික සඳරුවන් පදක්කම් ලේකම් : සහිරු නිමන්දිත් කරුණාරත්න ප්‍රථමාධාර ලේකම් : අදිත පංකජ දික්කුඹුර කමිටු සාමාජිකයින් : කුෂාන් අචින්ත යාපාසුහර සුජයනඔෂාන් නයනාත් වර්ණසූරියඔමිත වෙත්නුල ද සිල්වාරන්දික…
රහල් පෝතක අබිසෙස් 2023
රාහුල විද්‍යාලයීය පෝතක බාලදක්ෂ පදක්කම් පැළඳවීමේ උළෙල පසුගියදා රාහුල විද්‍යාලයීය විදුහල්පති සුදත් සමරවික්‍රම මහතාගේ ප්‍රධානත්වයෙන් විද්‍යාලයීය ප්‍රාථමික අංශයේදී පැවැත්විණ. ඡායාරූප අනුග්‍රහය – අමිල කන්ද උඩ ආරච්චි මහතා
Enthornement ’23
Enthornement ’23. රාහුල විද්‍යාලයීය 7 ශ්‍රේණිය බාල දක්ෂ සිසුන්ගේ සාමාජික පදක්කම් පැළඳවීමේ උළෙල විද්‍යාලයීය කීර්තිමත් ආදි ශිෂ්‍ය වින්ග් කමාන්ඩර්, විරංග ගුණසේකර මහතාගේ ප්‍රධානත්වයෙන් පසුගියදා විද්‍යාලයීය පරිශ්‍රයේදී සිදු කෙරිණ. ඡායාරූප අනුග්‍රහය : අමිල කන්ද උඩ ආරච්චිගේ මහතා
පාගමන සඳහා සහභාගී වූ රාහුල බාලදක්ෂයින්
මාතර දිස්ත්‍රික් බාලදක්ෂ මූලස්ථානය විසින් බාලදක්ෂ ව්‍යාපාරයට වසර 110ක් පිරීම නිමිත්තෙන් සංවිධානය කළ ආගමික වැඩසටහන සහ පා ගමන සඳහා රාහුල විද්‍යාලයීය බාලදක්ෂ කණ්ඩායම සහභාගී විය.
2022 ප්‍රථම ජාතික බාලදක්ෂ කිඩෝරිය
2022 නොවැම්බර් මස 26 වැනි දින කොළඹ විහාරමහාදේවි උද්‍යානයේ දී පවත්වන ලද ශ්‍රී ලංකා බාලදක්ෂ සංගමයේ ප්‍රථම ජාතික කිඩෝරිය සඳහා මාතර දිස්ත්‍රික්කය නොයෝජනය කරමින් රාහුල විද්‍යාලයීය සිඟිති බාලදක්ෂයින් 74 දෙනෙකු සහභායී විය. ඡායාරූප අනුග්‍රහ – අමිල කන්ද උඩ ආරච්චිගේ මහතා
රාහුල විද්‍යාලයීය සිඟිති බාලදක්ෂයිමන්ගේ පදක්කම් පැළැඳවීමේ සහ විසිරයාමේ උළෙල
රාහුල විද්‍යාලයීය සිව්වන සිඟිති බාලදක්ෂ ගොමුවේ සිඟිති බාලදක්ෂයන් 74 දෙනෙක් පදක්කම් ලැබීමේ සහ තෙවන සිඟිති බාලදක්ෂ ගොමුවේ සිසුන් 81 දෙනෙක් විසිර යෑමේ උළෙල, “අභිසෙස් 2022” විද්‍යාලයීය විදුහල්පති සුදත් සමරවික්‍රම මහතාගේ මග පෙන්වීමෙන්, රාහුල විද්‍යාලයීය ජනාධිපති බාලදක්ෂ 4 වන කොමාන්ඩෝ රෙජිමේන්තුවේ නිලධාරී අණදෙන මේජර් S.G. වීරවංශ මහතාගේ ප්‍රධානත්වයෙන්, දිස්ත්‍රික් බාලදක්ෂ කොමසාරිස් V.G. ඉන්දික ප්‍රසන්න මහතාගේ සහභාගීත්වයෙන්…
13 වන ජාතික පෝතක බාලදක්ෂ කබෝරිය
13 වන ජාතික කබෝරිය ට සමගාමීව මාතර රාහුල විද්‍යාලයේ පැවති පෝතක බාලදක්ෂ දරුවන් තුන්සියයකට ආසන්න පිරිසක් සහභාගිවූ කබෝරිය විද්‍යාලයීය ප්‍රාථමික අංශ පරිශ්‍රයේදී පසුගියදා සාර්ථකව පැවැත්විණ. ඡායාරූප අනුග්‍රහය : අමිල නිශාන්ත මහතා සහ හසිත පෙරේරා මහතා
පෝතක බාලදක්ෂයින්ගේ පදක්කම් පැළඳවීමේ උත්සවය
රාහුල විද්‍යාලයීය පෝතක බාලදක්ෂයින්ගේ පදක්කම් පැළඳවීමේ උත්සවය රාහුල විද්‍යාලයීය විදුහල්පති සුදත් සමරවික්‍රම මහතාගේ, නියෝජ්‍ය විදුහලපතිනී ලලනි කුමාරි මහත්මියගේ සහ රාහුල ප්‍රාථමික විද්‍යාලයීය විදුහල්පතිනී පත්මනී ගනේවත්ත මහත්මියගේ ප්‍රධානත්වයෙන් රාහුල ප්‍රාථමික විද්‍යාලයීය පරිශ්‍රයේදී පවත්වන ලදී.
අභිසෙස් 2021
රාහුල විද්‍යාලයීය සිඟිති බාලදක්ශ 3 වන කණ්ඩායමේ සාමාජික පදක්කම් පැළඳවීමේ උළෙල “අභිසෙස් 2021” විද්‍යාල්‍යිය විදුහල්පති සුදත් සමරවික්‍රම මහතාගේ හා දිස්ත්‍රික් බාලදක්ශ කොමසාරිස් ඉන්දික ප්‍රසන්න මහතාගේ ප්‍රධානත්වයෙන් විද්‍යාලයීය ප්‍රාථමික අංශයේ විදුහල්පතිනි පත්මනී ගනේවත්ත මහත්මියගේ මගපෙන්වීම යටතේ ප්‍රාථමික විද්‍යාලයීය සිඟිති බාලදක්ශ සමූහය භාර ආචාර්ය දේවිකා මිහිරාණි හා චන්දිමා තිලකරත්න මහත්මීන්ගේ මෙහෙයවීමෙන් පැවැත්විනි.
70 වන වර්ෂ පූර්ණය – රාහුල විද්‍යාලයීය බාලදක්ෂ සමූහය
3 වන මාතර බාලදක්ෂ සමූහය අභිමානවත් 70 වන වර්ෂ පූර්ණය සම්පූර්ණ කළ වගයි.
ප්‍රාථමික බාලදක්ෂයින්ගේ විසිර යාමේ උත්සවය
රාහුල විද්‍යාලයේ ප්‍රාථමික බාලදක්ෂයින්ගේ විසිර යාමේ උත්සවය අප්‍රේල් 7 වන දින විදුහල්පති ෆ්‍රැන්සිස් වෙලෙගේ මහතාගේ සහ ප්‍රාථමික අංශයේ විදුහල්පති පත්මිනි ගනේවත්ත මහත්මියගේ සහභාගීත්වයෙන් රාහුල විද්‍යාලයේ ප්‍රාථමික අංශයේ දී පැවැත්විණි. Previous Next